دومانلي دؤنوم لر

غزل های حسین قلیزاده

سینیخ چلیک کیمی*

سینیخ چلیک کیمینم گلگینن دایانمـــــــــــــــا1 منه 

یئری آنام سنه قوربان یئری دایانمـــــــــــــــا2 منه

دوداغــــــــــــلاریمدا سولان گوللری گؤزتله‌مه‌سن

گویه‌رمه‌‌ز اولدو گولوم ، گئت یاغیش ، یوبانما منه

داشین دؤشون سو یاراردی منه آغــــلایان گئجه‌لر

ایناندی داش منی ، سن اینجه بئل اینانمـــــــــا منه 

اوره‌ک یانیبدی قـــــــالیبدیر دؤشومده کوللو کؤزو

من عالمه یانیرام بسدی ؛ سنده یانمـــــــــــــــا منه

ایشیتمیشیک اوره‌گیم ؛ یوخسولون الی بوش اولار

کاسیبلارا قوشولوب چوخدا غم قازانمــــــــــــا منه

1- دایانما = تکیه وئرمه

2- دایانما = منتظر اولما (گئت)

 

 

+ نوشته شده در  پنجشنبه سیزدهم تیر 1392ساعت 12:36  توسط حسین قلی زاده برندق  |